Збіраем партфель да школы: колькі гэта каштуе?

Школьныя кірмашы ўжо працуюць, дзеці манітораць сайты ў пошуках лепшых пеналаў, а бацькі скардзяцца на тое, што на зборы да школы зноў пойдзе паўзарплаты. Падлічылі, у што абыдзецца поўны сшыткаў і канцылярскіх прыладаў заплечнік не самага патрабавальнага школьніка.

Пачнем з выбару заплечніка. На онлайн-пляцоўках дастаткова прапаноў, але мы выбралі некалькі не самых дарагіх.

Цяпер пачынаем запаўняць заплечнік канцылярскімі прыладамі. Перш за ўсё выбіраем пенал. Калі ваш школьнік аматар мінімалізму, можна выбраць зусім танны. Вось некалькі на выбар:

У пенал мы пакладзем камплект ручак і алоўкаў, лінейкі, гумкі — як ні дзіўна, гэты няхітры набор абыйдзецца ў салідную суму.

Цяпер ідзем за сшыткамі. Купляем адразу шмат — у камплекце па 10 і 20 штук яны абыходзяцца танней.

Пасля ўсіх падлікаў аказалася, што для таго, каб купіць просценькі заплечнік і запоўніць яго мінімумам неабходных рэчаў, бацькам трэба будзе раскашэліцца хаця б на 136 рублёў. Калі ўзяць заплечнік і пенал трохі даражэй —150 рублёў.

У гэты няхітры камплект мы не ўключалі ні ланч-бокс, ні мяшкі для зменнага абутку (на папулярных анлайн-пляцоўках дастаткова ідэй для дробных тратаў да школы). І нават школьную форму не ўлічваем — гэтая сума пойдзе толькі на заплечнік і яго мінімальнае змесціва.

Намінальная налічаная сярэдняя заработная плата ў Беларусі ў чэрвені 2025 года склала 2717,8 рубля, паведамлялі нядаўна ў прэс-службе Нацыянальнага статыстычнага камітэта.