Захад можа адмовіцца ад рускай гарэлкі, ікры, алмазаў
Новы пакет санкцый супраць Расіі ў адказ на ўвядзенне войскаў ва Украіну можа быць прыняты 30 жніўня на саміце Еўрасаюза.
Нямецкае выданне Die Welt піша, што міністры замежных спраў ЕС ужо пачалі абмяркоўваць гэтыя санкцыі на сённяшняй сустрэчы ў Мілане. Сярод магчымых абмежаванняў, якія могуць быць уведзеныя супраць Расіі — адмова ад расійскай гарэлкі, ікры і алмазаў.
Як вядома, Расія з'яўляецца адным з найбольшых экспарцёраў алмазаў у свеце. Еўрачыноўнікі мяркуюць, што гэта будзе адчувальны ўдар для расійскай эканомікі. У той жа час эксперты называюць малаверагодным адмову ЕС ад расійскіх нафты і газу. Праблема залежнасці Еўропы ад энерганосьбітаў з Расіі дагэтуль не вырашаная.
Пуцін пра рэакцыю Захаду на падзеі ва Украіне: З намі лепш не звязвацца (відэа)
Фота — ria.ru
