Вызначыліся першыя паўфіналісты Кубка Беларусі па футболе
Навічок Вышэйшай лігі “МЛ Віцебск” знішчыў “Белшыну” / "МЛ Витебск"
8 сакавіка прайшлі першыя матчы ў адказ у 1/4 Кубка Беларусі па футболе. У Жодзіне мясцовае “Тарпеда-БелАЗ” з мінімальным лікам — 1:0 — абыграла брэсцкае “Дынама” (першы матч у Брэсце — 0:0).
У Віцебску навічок Вышэйшай лігі “МЛ Віцебск” літаральна разарваў “Белшыну” — 6:0 (першы матч у Бабруйску — 1:2 на карысць “МЛ Віцебск”).
Такім чынам, у паўфінал выходзяць “Тарпеда-БелАЗ” і “МЛ Віцебск”.
9 сакавіка стануць вядомыя яшчэ дзве каманды, якія сыграюць у паўфінале Кубка Беларусі. Заўтра свае матчы праводзяць ФК ”Віцебск” супраць ФК “Слуцк” (першы матч — 2:0 на карысць паўночнікаў), а “Іслач” прымае “Нёман” (першы матч — 0:0).
