“Будуй сваё” сабраў 44 785 еўра. На якія праекты пойдуць грошы
Будуць рэалізаваны тры праекты / Мост
Праект “Будуй сваё” у 2025 годзе сабраў 44 785 еўра і за гэтыя грошы прафінансуе тры праекты — два з Польшчы і адзін з Літвы.
Першае месца ў Польшчы заняў праект “БлогІя пра Біялёгію: адукацыйныя відэа па-беларуску”, на яго будзе выдаткавана 13 500 еўра.
Другое месца ў праекта “Фестываль Tutaka 2026”, які атрымае 18 792 еўра.
У Літве будзе рэалізаваны праект “Лічбавая платформа ArtКуратар”, на яго сабралі 12 493 еўра.
Нагадаем, што гэтыя грошы пералічваюць беларусы, якія жывуць у Польшчы і Літве і пераводзяць 1,5% і 1,2% сваіх падаткаў на дабрачыннасць.
У канцы 2024 года каманда праекта “Будуй сваё” запусціла новы партал “Гісторыя Беларусі”, прысвечаны папулярызацыі беларускай гісторыі на трох мовах — беларускай, англійскай і польскай. Мэта праекта — зрабіць вывучэнне гісторыі цікавым як для беларусаў, так і для замежнай аўдыторыі.
