Дзяржаўны футбольны клуб “Віцебск” набыў новы кітайскі аўтобус
Новым клубным аўтобусам стаў кітайскі брэнд, а не айчынны / ФК "Витебск"
Дзяржаўны футбольны клуб “Віцебск”, які выступае ў Вышэйшай лізе, пахваліўся новым клубным аўтобусам.
Кіраўніцтва клуба выбрала кітайскі брэнд — “Golden Dragon”, дыстрыб’ютарам якога з’яўляецца кампанія Sotrans.
Беларусы ўжо не першы раз аддаюць перавагу кітайскім брэндам. Раней Еўрарадыё паведамляла, што новыя кітайскія аўтобусы Zhongtong будуць курсіраваць на маршрутах Гродна–Мінск і Слонім–Мінск.
Нагадаем, што прадпрыемства МАЗ нядаўна адчыніла ў Мінску новы завод па вытворчасці аўтобусаў. Яго наведваў Аляксандр Лукашэнка, якому там падарылі новы аўтобус.
У Расіі працягваецца падзенне продажаў тэхнікі МАЗа. Так, у студзені было прададзена толькі чатыры аўтобусы.
