Віцэ-прэзідэнта ЗША Джэй Дзі Вэнса асвісталі на адкрыцці Алімпіяды
Джэй Дзі Вэнс на адкрыцці Алімпіяды / Andreas Rentz / Getty Images
Віцэ-прэзідэнта ЗША Джэй Дзі Вэнса асвісталі на адкрыцці Алімпіяды. Наведвальнікі цырымоніі выразілі сваю незадаволенасць амерыканскай палітыкай, калі палітык разам з жонкай з’явіўся на экранах стадыёна. Калі выяву пераключылі на амерыканскіх спартоўцаў, былі чутны толькі апладысменты.
Сітуацыю ўжо пракаментаваў Дональд Трамп: "Гэта дзіўна, бо ён падабаецца людзям. Ён, шчыра кажучы, знаходзіцца ў іншай краіне. У гэтай краіне [ЗША] яго не асвістваюць".
Зімовыя Алімпійскія гульні адкрыліся ў Італіі, урачыстая цырымонія прайшла ў Мілане на стадыёне "Сан-Сіра". Гульні працягнуцца да 22 лютага, беларускія спартоўцы ўдзельнічаюць у нейтральным статусе.
