Украінскія сілавікі правялі вучэнні па затрыманні мігрантаў на мяжы
Украінскія сілавікі вучацца затрымліваць мігрантаў / Фота: Служба бяспекі Украіны
Вучэнні прайшлі на мяжы на тэрыторыі Жытомірскай вобласці. У іх былі зойдзеваны супрацоўнікі СБУ, Нацыянальнай паліцыі, памежнікі, нацгвардзейцы, а таксама прадстаўнікі органаў выканаўчай улады і мясцовага самакіравання, паведамляе прэс-служба Службы бяспекі Украіны.
Сцэнарыем вучэнняў была спроба "прарыву" мігрантаў ва Украіну з беларускага боку. Для пошуку парушальнікаў выкарыстоўвалі беспілотнікі, а для затрымання сумесныя дзеянні некалькіх падраздзяленняў.
Нагадаем, раней Украіна прыняла рашэнне падвоіць колькасць памежнікаў на дзяржграніцы ў сувязі з пагрозай траплення ў краіну нелегальных мігрантаў з Беларусі. Акрамя таго, да аховы граніцы вырашана прыцягнуць рэзервы з Нацыянальнай гвардыі і Нацыянальнай паліцыі. Аб тым, што ўзмацненне аховы ўкраінскай мяжы не павінна паўплываць на паездкі беларусаў ва Украіну, заявіў прэзідэнт краіны Ўладзімір Зяленскі.
