У Японіі заявілі, што паўднёвыя Курыльскія астравы акупаваныя Расіяй
Дырэктар дэпартамента Еўропы МЗС Японіі Хідэкі Уяма заявіў, што паўднёвыя Курыльскія астравы акупаваныя Расіяй. А гэта супярэчыць міжнароднаму праву, як і расійская агрэсія ва Украіне. Такая заява прагучала 28 лютага падчас дэбатаў у японскім парламенце.
Паўднёвыя Курылы ў Японіі называюць "Паўночнымі тэрыторыямі". Яны знаходзяцца ў складзе РФ (а раней — СССР) з пасляваеннага часу. Пэўны час Токіа ўстрымліваўся ад згадак пра "акупацыю". Цяпер жа, на фоне вайны ва Украіне, пра яе заявіў прадстаўнік знешнепалітычнага ведамства.
