У Віцебску можа з’явіцца яшчэ адзін стадыён. Яго пабудуе прыватны футбольны клуб
Рэндэры спартыўнай арэны з’явіліся ў тэлеграм-канале “Ухо” / "Ухо"
Прыватны футбольны клуб “МЛ Віцебск”, раней вядомы як “Макслайн”, плануе пабудаваць уласны стадыён у Віцебску ў раёне Білёва. Рэндэры спартыўнай арэны апублікаваў ТГ-канал “Ухо”.
У 2024 годзе клуб заваяваў права гуляць у Вышэйшай лізе, заняўшы першае месца ў Першай лізе. Каманда праводзіла гульні ў Віцебску, бо ўладальнік клуба Арцём Леонаў родам з гэтага горада.
Раней Леонаў заяўляў, што чакае дазволу для пачатку будаўніцтва стадыёна, “пасля чаго запускаем трактары”.
