У трох пунктах Мінска можна будзе атрымаць вынік ПЛР-тэсту "дзень у дзень"
Новаўвядзенне звязана са скарачэннем тэрмінаў дзеяння ПЛР-тэстаў на COVID-19 для асоб, якія выязджаюць за межы Беларусі / БЕЛТА
У Мінску ў трох лабараторыях вынік ПЛР-тэстаў можна атрымаць у дзень здачы. Новаўвядзенні набудуць моц з 20 снежня, паведамляе сайт Мінскага гарадскога цэнтра гігіены і эпідэміялогіі. Яны звязаны са скарачэннем тэрмінаў дзеяння даведак на COVID-19 для асоб, якія выязджаюць за межы Беларусі.
Вынік ПЛР-тэсту "дзень у дзень" будуць выдаваць у лабараторных пунктах на тэрыторыі чыгуначнага вакзала, аўтавакзала "Цэнтральны" і па адрасе Броўкі, 13.
