У чацвер на большай частцы тэрыторыі Беларусі чакаецца снег

У чацвер, 19 лютага, у Беларусі будзе воблачна з праясненнямі, паведамляе Белгідрамет.

На большай частцы тэрыторыі краіны пройдзе снег, уначы месцамі па ўсходзе — моцны снег. Уначы і зранку месцамі прагназуецца слабы туман, на асобных участках дарог — галалёдзіца. Вецер уначы будзе няўстойлівы слабы, удзень — заходні ўмераны.

Тэрмометры ўначы пакажуць ад -8 градусаў па паўднёвым захадзе да -20 градусаў па поўначы краіны. Удзень чакаецца 3-9 градусаў марозу, па поўдні Беларусі будзе 1-2 градусы ніжэй за нуль.

У пятніцу, 20 лютага, таксама будзе воблачна з праясненнямі. Уначы і зранку месцамі, а ўдзень у асобных раёнах па паўночным усходзе краіны пройдзе невялікі кароткачасовы снег. На асобных участках дарог прагназуецца галалёдзіца. Вецер будзе заходняй чвэрці ўмераны, месцамі па поўначы — парывісты.

Тэмпература паветра ўначы складзе 8-15 градусаў са знакам "мінус", пры праясненнях будзе да 18 градусаў марозу. Удзень тэрмометры пакажуць -1...-8 градусаў.