У Светлагорску хлопцы стрэлілі свайму знаёмаму ў скронь з пнеўматыкі

У Светлагорску два хлопцы 1996 і 1997 года нараджэння вырашылі пажартаваць са свайго 17-гадовага знаёмага. Пабачыўшы сябра здалёк, яны пачалі страляць па ім з двух пнеўматычных пісталетаў, якія былі ў хлопцаў з сабой.

Як піша lovesun.by, адна з куляў трапіла ў левую скронь. Яе выцягнулі ў прыёмным пакоі раённай бальніцы, куды звярнуўся пацярпелы.

У ходзе размовы хлопец не адразу прызнаўся, што пазнаў тых, хто ў яго страляў.

Падазраваныя арыштаваны, распачата крымінальная справа за хуліганства. Хлопцам пагражае заключэнне пад варту.

Фота: goldguns.ru