У суботу ў Беларусі чакаюцца навальніцы, у нядзелю будзе пераважна без ападкаў
Дождж, ілюстрацыйнае фота / pexels.com
У суботу, 31 траўня, у Беларусі ўначы прагназуецца пераменная воблачнасць, зранку і ўдзень будзе воблачна з праясненнямі, паведамляе Белгідрамет.
Уначы месцамі, а зранку і ўдзень на большай частцы тэрыторыі краіны пройдуць кароткачасовыя дажджы. Удзень месцамі па краіне прагрымяць навальніцы. Вецер будзе заходні, паўднёва-заходні ўмераны, пры навальніцах — парывісты.
Тэрмометры ўначы пакажуць 7-13 градусаў вышэй за нуль, удзень чакаецца +18...+24 градусы.
У першы дзень чэрвеня прагназуецца пераменная воблачнасць і пераважна без ападкаў. Удзень сіноптыкі прагназуюць ад +17 па поўначы да +25 градусаў па паўднёвым захадзе краіны.
А ў панядзелак, 2 чэрвеня, зранку і ўдзень зноў на большай частцы тэрыторыі чакаюцца дажджы. У асобных раёнах прагрымяць навальніцы. Тэрмометры ўдзень пакажуць ад 17 градусаў цяпла па поўначы да +26 градусаў па поўдні Беларусі.
