У суботу ў Беларусі будуць кароткачасовыя дажджы і да +28 градусаў
Лета, ілюстрацыйнае фота / t.me/borisov_mp/
У суботу, 26 ліпеня, у Беларусі чакаецца пераменная воблачнасць, паведамляе Белгідрамет.
Уначы месцамі, а ўдзень — на большай частцы тэрыторыі пройдуць кароткачасовыя дажджы. У асобных раёнах прагрымяць навальніцы. Уначы і зранку месцамі прагназуюцца туманы. Вецер уначы будзе няўстойлівы слабы, удзень — паўднёва-заходні, заходні слабы да ўмеранага, пры навальніцах — парывісты. Сіноптыкі абвясцілі жоўты ўзровень небяспекі.
Тэрмометры ўначы пакажуць 12-18 градусаў са знакам "плюс". Удзень чакаецца 22-28 градусаў цяпла.
У нядзелю таксама месцамі па краіне пройдуць кароткачасовыя дажджы, прагрымяць навальніцы. Вецер пры навальніцах будзе парывісты. Тэмпература паветра ўначы будзе ад 12 да 17 вышэй за нуль, удзень прагназуецца +22...+29 градусаў.
