У пятніцу моцныя дажджы чакаюцца толькі ў Магілёўскай і Віцебскай абласцях
Парасон, ілюстрацыйнае фота / pexels.com
У пятніцу, 1 жніўня, у Беларусі чакаецца воблачнае з праясненнямі надвор'е, паведамляе Белгідрамет.
Уначы на большай частцы тэрыторыі пройдуць дажджы. Удзень дажджы прагназуюцца ў многіх раёнах Віцебскай і Магілёўскай абласцей, а на астатняй частцы краіны — месцамі кароткачасовыя дажджы. Моцныя дажджы пройдуць па паўночным усходзе Беларусі ў асобных раёнах. Месцамі прагрымяць навальніцы. Уначы і зранку ў асобных раёнах будуць згушчацца непрацяглыя туманы. Вецер чакаецца заходні, паўночна-заходні ўмераны, пры навальніцах — парывісты.
Тэрмометры ўначы пакажуць 9-15 градусаў цяпла, але па ўсходзе будзе не ніжэй за +16...+18 градусаў. Удзень прагназуецца 19-25 градусаў вышэй за нуль.
На выходных кароткачасовыя дажджы ўдзень чакаюцца на большай частцы тэрыторыі краіны. У асобных раёнах прагрымяць навальніцы.
