У Кобрыне за ўдзел у пратэстах 2020-га судзяць чатырох чалавек
Пратэсты ў Кобрыне ў жніўні 2020-га / Кадр з відэа
У Кобрыне за ўдзел у пратэстах 2020-га супраць фальсіфікацыі вынікаў прэзідэнцкіх выбараў судзяць чатырох чалавек: Івана Бурліка, Віктара Вярбіцкага, Аляксандра Дзмітрука і Івана Літвіна. Іх абвінавачваюць у "актыўным удзеле ў дзеяннях, што груба парушаюць грамадскі парадак" (ч. 1 арт. 342 КК), пішуць праваабаронцы.
5 лютага справу пачаў разглядаць суд Кобрынскага раёна (суддзя — Аляксей Кміта).
Гэта другі працэс у Кобрыне з 2020 года паводле згаданага артыкула. Летась сілавікі перыядычна ладзілі рэйды ў горадзе, затрымлівалі ўдзельнікаў пратэстаў чатырохгадовай даўніны. Літвіна, якога цяпер судзяць, затрымалі напрыканцы лета.
