У Клайпедзе ў беларуса знайшлі кантрабанду на 2 мільёны еўра
Кантрабанда ў грузавіку / vsat.lrv.lt
У Клайпедзе ў 34-гадовага беларуса знайшлі кантрабанду на 2 мільёны еўра. Літоўскія памежнікі і мытнікі натрапілі ў грузавіку на вялікую партыю цыгарэт без акцызных марак.
Як пішуць мытнікі, здарэнне адбылося 22 лютага. Грузавік праверылі на адной з аўтазаправак. У паўпрычэпе знайшлі амаль 450 тысяч пачкаў цыгарэт.
Беларус трапіў на месяц пад арышт. Яму пагражае да васьмі гадоў пазбаўлення волі.
Нядаўна літоўцы на трасе на захад ад Вільні перахапілі кантрабанду беларускіх цыгарэт на 5,64 млн еўра.
