У чацвер у Беларусі месцамі будзе да 10 градусаў цяпла

У чацвер, 27 лютага, невялікія ападкі (пераважна дождж) магчымыя толькі раніцай і ўдзень на захадзе Беларусі. Сіноптыкі папярэджваюць пра слабы галалёд, які магчымы месцамі, і пра галалёдзіцу на асобных участках дарог.

У начныя гадзіны тэмпература паветра складзе ад -12 на ўсходзе да +2 на захадзе (у Мінску — ад -4 да -6), у дзённыя гадзіны — 1-7 цяпла (на Брэстчыне — да +10, у сталіцы — ад +3 да +5 градусаў).

У пятніцу амаль па ўсёй краіне прагназуюцца мокры снег і дождж. Уначы будзе ад +1 на захадзе да -10 на ўсходзе, удзень — ад 0 да +7. Ападкі чакаюцца і ў суботу.