У беларускім войску пачалася праверка боегатоўнасці
У войску пачалася праверка боегатоўнасці, ілюстрацыйнае фота / "Ваяр"
Ва Узброеных сілах пачалася праверка баявой гатоўнасці злучэнняў і воінскіх часцей, паведамляе прэс-служба Мінабароны.
Праверка мае комплексны характар. Асабовы склад павінен будзе выехаць у вызначаныя раёны, правесці шэраг вучэнняў і трэніровак, у тым ліку з баявой стральбой.
Падчас праверкі плануецца перамяшчэнне вайсковай тэхнікі. У сувязі з гэтым Мінабароны папярэджвае пра магчымасць часовага абмежавання руху грамадзянскага транспарту па дарогах агульнага карыстання і ўчастках мясцовасці.
