У Беларусі сёння даражэе гарэлка
Мінімальная адпускная цана на алкаголь мацункам 40% павышаецца больш чым на 8%, мінімальная рознічная — амаль на 18%.
Гэта прадугледжана пастановай Міністэрства эканомікі, якая набыла моц 1 ліпеня. Як паведамляе партал tut.by, мінімальная адпускная цана на алкагольную прадукцыю мацункам 40% павышаная на 3 тысячы рублёў (8,1%) — да 40 тысяч за 0,5 літра. Насельніцтва не зможа купіць моцны алкаголь танней за 53 тысячы за паўлітра — гэта мінімальная рознічная цана, устаноўленая Мінэканомікі. Яна павысілася на 8000 рублёў (17,8%).
Мінімальная адпускная цана на імпартныя алкагольныя напоі мацункам 40% павялічаная на 6 тысяч (8,1%) — да 80 тысяч за 0,5 літра.
Фота — Fotolia
