У Беларусі можа быць менш за 9 мільёнаў жыхароў
Міліцыянты займаюцца "спрыяннем працаўладкавання" беспрацоўных / shliah.by
У Беларусі можа быць менш за 9 мільёнаў жыхароў. Пра гэта сведчыць службовая справаздача Міністэрства аховы здароўя ад 18 сакавіка 2025 года, якую "Зеркалу" перадаў BELPOL. Яна прысвечана вакцынацыі супраць грыпу. Медыкі фіксуюць, колькі чалавек прышчапілі, і вылічаюць адсотак прышчэпленых ад агульнай колькасці насельніцтва. Атрымліваецца, што ў 2024-м у РБ жыло 8 мільёнаў 974 тысячы 580 чалавек. Аднак калі скласці пададзеныя лічбы па абласцях і сталіцы, то атрымаецца яшчэ менш — 8 899 010 чалавек.
У канцы сакавіка Белстат сцвярджаў, што ў Беларусі на 1 студзеня 2025-га жыло 9 млн 155 тысяч 978 чалавек. Розніца з лічбай Мінаховы здароўя складае амаль 256 тысяч.
