У базу ўкраінскага "Міратворца" трапіў кіраўнік МЗС РБ
Максім Рыжанкоў / "Міратворац"
Кіраўніка Міністэрства замежных спраў Беларусі Максіма Рыжанкова дадалі ў базу ўкраінскага сайта "Міратворац", заўважыла "Наша Ніва".
Гэты рэсурс збірае імёны асобаў, якія могуць пагражаць нацыянальнай бяспецы Украіны.
Наконт Рыжанкова гаворыцца, што ён датычны да прапаганды вайны і публічнай падтрымкі расійскай агрэсіі, а таксама да ўдзелу ў легітымізацыі расійскай акупацыі Данбаса. Таксама аўтары сайта вінавацяць дыпламата ў замаху на суверэнітэт і тэрытарыяльную цэласнасць Украіны. Лукашэнкаўскага міністра называюць "саўдзельнікам злачынстваў расійскай улады супраць Украіны і яе грамадзян".
У віну Рыжанкову ставяць таксама тое, што ён з’яўляецца старшынёй Беларускай федэрацыі баскетбола.
