У аўторак у Беларусі будзе пераважна без ападкаў

У аўторак, 29 кастрычніка, у Беларусі прагназуецца воблачнае з праясненнямі надвор'е, паведамляе Белгідрамет.

Будзе пераважна без ападкаў, як і сёння. Толькі зранку і ўдзень у асобных раёнах краіны пройдуць невялікія дажджы. Вецер чакаецца заходні, паўночна-заходні ад слабога да ўмеранага.

Тэрмометры ўначы пакажуць ад 0 да +6, па захадзе краіны прагназуецца да 8 градусаў цяпла. Удзень чакаецца 8-14 вышэй за нуль.

Два апошнія дні кастрычніка, паводле прагнозаў сіноптыкаў, будуць воблачнымі з праясненнямі. На большай частцы тэрыторыі чакаюцца кароткачасовыя дажджы. Таксама сіноптыкі прагназуюць месцамі моцны парывісты вецер.