У аўторак у Беларусі будзе 20-25 градусаў цяпла

У аўторак, 12 жніўня, у Беларусі прагназуецца пераменная воблачнасць, паведамляе Белгідрамет.

Будзе пераважна без ападкаў, толькі ўдзень месцамі ў асноўным па паўночным усходзе краіны пройдуць невялікія кароткачасовыя дажджы з навальніцамі. Уначы і зранку ў асобных раёнах будзе згушчацца слабы туман. Вецер чакаецца паўночна-заходні ўмераны, месцамі — парывісты.

Тэрмометры ўначы пакажуць 7-13 градусаў вышэй за нуль. Удзень паветра прагрэецца да +20...+25, па поўдні Беларусі чакаецца да 27 градусаў цяпла.

13-14 жніўня таксама ападкі не прагназуюцца. Уначы будзе 6-13 градусаў са знакам "плюс". Удзень чакаецца 20-17 градусаў цяпла.