У аўтобуса БАТЭ падчас руху адваліліся два колы
Аварыя з аўтобусам БАТЭ / t.me/gaiminsk
У аўтобуса футбольнага клуба БАТЭ падчас руху адваліліся два колы. Здарэнне адбылося ўвечары 17 верасня ў Мінску, паведамляе УДАІ ГУУС Мінгарвыканкама.
36-гадовы кіроўца аўтобуса MAN ехаў па праспекце Незалежнасці. Падчас руху сарваліся два заднія левыя колы. Прычым адно з іх выкацілася на сустрэчную паласу, дзе пашкодзіла сустрэчны "Б'юік".
На дапамогу прыйшоў кіроўца трактара "Беларус", які рухаўся па праспекце: ён дапамог зафіксаваць аўтобус, каб той не перакуліўся.
Пацярпелых у ДТЗ няма.
Аварыя з аўтобусам БАТЭ / t.me/gaiminsk
