Сёння ў Токіа адкрываюцца Алімпійскія гульні
23 ліпеня ў Токіа на Нацыянальным стадыёне адбудзецца ўрачыстае адкрыццё летніх Алімпійскіх гульняў.
Пачатак урачыстай цырымоніі прызначаны на 14:00 паводле беларускага часу.
Праз пандэмію COVID-19 Алімпіяда была перанесеная на год. Зрэшты, у Токіа надзвычайнае становішча ў сувязі з каранавірусам дзейнічае і цяпер. Таму на цырымоніі адкрыцця будуць прысутнічаць толькі 950 чалавек, хаця стадыён змяшчае 80 тысяч гледачоў. Усе прысутныя — афіцыйныя прадстаўнікі дэлегацый.
Гульні працягнуцца да 8 жніўня.
