Рыхтуемся да чарговай хвалі пандэміі: у свеце выяўляюць новыя варыянты COVID-19

Сітуацыя з ВА.2.75 пакуль іншая: гэты варыянт нядаўна выявілі ў Індыі і яшчэ 16 краінах, але ён пакуль не дамінуе. Навукоўцы кажуць, што ён па заразнасці супастаўны з адром — гэта значыць адзін чалавек можа заразіць яшчэ 14. У прынцыпе, ён як мінімум на 16% заразнейшы за ўжо вядомыя медыкам варыянты каранавіруса.

З улікам гэтых асаблівасцяў ВА.2.75 можа дамінаваць ужо ў хуткім часе.

А што ў Беларусі?

Мінздароўя перастала публікаваць штодзённую статыстыку па каранавірусе (якой мала хто верыў) у першай палове траўня — у сувязі з тым, што "сітуацыя стабілізавалася". Абнавілі звесткі чыноўнікі толькі ў пачатку ліпеня: амаль за два месяцы ў краіне было выяўлена каля 12 тысяч новых выпадкаў COVID-19, гэта значыць канчаткова вірус не сышоў. Пра новыя варыянты "омікрона" пакуль не паведамлялася, але яны могуць сур'ёзна падняць захваральнасць і ў Беларусі.