Раніцай у сераду чэргаў аўтамабіляў на мяжы з Літвой няма
Раніцай у сераду чэргаў аўтамабіляў на мяжы Беларусі з Літвой няма. Пра гэта інфармуе прэс-служба Дзяржаўнага памежнага камітэта. Невялікія чэргі захоўваліся яшчэ ў другой палове дня 7 лютага, але яны істотна зменшыліся ў параўнанні з раніцай аўторка.
У міжнародным аўтадарожным пункце пропуску "Брэст" на беларуска-польскай мяжы ў чарзе на 6-ю раніцы 8 лютага налічвалася 40 легкавых аўтамабіляў. Учора іх там было значна больш.
