Пяты дзень з тэмпературай: дзяўчына апісала "новы вірус" — эпідэміёлагі абверглі
Прастуда / gesund.bund.de
Мінчанка Ксенія Іваноўская расказала ў ціток пра "новы вірус", ад якога "нічога не дапамагае, толькі антыбіётыкі". Відэа набрала 920 тысяч праглядаў, у каментарах людзі апісвалі падобныя сімптомы: тэмпература, якая не збіваецца напрацягу некалькіх дзён, боль у горле, закладзеныя вушы і нос.
Аднак рабіць высновы пра тое, што ў Беларусі пачалася эпідэмія невядомага захворвання, не трэба. У Мінскім гарадскім цэнтры гігіены і эпідэміялогіі кажуць, што захворванне на вострыя рэспіраторныя інфекцыі "не перавышае сярэднешматгадовых значэнняў".
"Эпідэміялагічная сітуацыя ў Мінску стабільная. Пры гэтым У структуры хворых на ўдзельную вагу дзіцячага насельніцтва складае 54,7%, дарослага — 45,3%", — дадаюць эпідэміёлагі.
