Пяскоў заявіў, што Расія гатовая гандляваць з Беларуссю ў расійскіх рублях

Масква не адмаўлялася ад прапановы Мінска весці разлікі ў расійскіх рублях. Пра гэта заявіў Дзмітрый Пяскоў, прэс-сакратар Уладзіміра Пуціна, каментуючы заяву Аляксандра Лукашэнкі.

"Я, шчыра кажучы, першы раз пра гэта чую. У мяне такой інфармацыі няма", — прыводзіць ТАСС словы Пяскова. Прэс-сакратар расійскага прэзідэнта паведаміў, што ў адносінах з партнёрамі Расія зацікаўленая ў разліку на аснове нацыянальных валют — у першую чаргу, вядома, у расійскіх рублях. Ён дадаў, што "гэтая тэма ўвесь час фігуруе на парадку дня перамоваў".

Кіраўнік Беларусі раней заявіў, быццам Мінск прапаноўваў Маскве цалкам перайсці на ўзаемаразлікі ў расійскіх рублях. "Сёння амаль 80% нашага гандлю з Расіяй ажыццяўляецца ў расійскіх рублях. Я нядаўна прэзідэнту [Расіі] прапанаваў: перш чым кідацца на нешта вялікае, давайце пяройдзем на 100% гандлю ў расійскіх рублях. Вось наша прапанову. Мы гэтага не баімся, але ніхто на гэта не ідзе", — заявіў Лукашэнка. Па словах беларускага кіраўніка, Расія хоча весці разлікі ў цвёрдай валюце — у "варожых" доларах і еўра.