Пуцін прапанаваў адмяніць дазвол на выкарыстанне войскаў ва Украіне
Адпаведны зварот прэзідэнт Расіі накіраваў у аўторак у Савет Федэрацыі на імя старшыні Валянціны Мацвіенкі.
Уладзімір Пуцін прапанаваў адмяніць пастанову Савета Федэрацыі "Аб выкарыстанні Узброеных сіл РФ на тэрыторыі Украіны", паведамляе ria.ru са спасылкай на прэс-сакратара прэзідэнта Дзмітрыя Пяскова.
Паводле яго слоў, гэта зроблена для "нармалізацыі абстаноўкі і ўрэгулявання сітуацыі ва ўсходніх рэгіёнах Украіны, а таксама ў сувязі з пачаткам трохбаковых перамоваў па гэтым пытанні".
Прапанова Пуціна будзе разглядацца Саветам Федэрацыі на пасяджэнні 25 чэрвеня.
Фота — ria.ru
