Тры чалавекі загінулі праз начную атаку дронаў на Кіеў
Кіеў пасля расійскай атакі
Тры чалавекі загінулі ў Кіеве ў выніку расійскага ўдару ў ноч на 26 кастрычніка.
Усяго пацярпелі 31 чалавек, сярод іх 6 дзяцей, паведамляе канал Кіеўскай гарадской адміністрацыі. Малодшаму з пастрадалых дзетак усяго 4 года. Дваіх дзяцей даставілі ў лякарні.
У Дзяснянскім і Абалонскім раёнах сталіцы Украіны дроны разбурылі жылыя будынкі. У адным з іх цудам выжылі два чалавекі, у чыю кватэру заляцеў беспілотнік.
"Мяне ўдарыла сцяной, якая пачала падаць. Бацька атрымаў шмат парэзаў, яго забрала хуткая. Але яму ўжо аказваюць дапамогу. Магло быць значна горш", — расказаў адзін з іх.
Па дадзеных ЗСУ толькі цягам гэтага тыдня Расія запусціла па Украіне каля 1,2 тыс. дронаў, больш за 1,3 тыс. авіябомбаў і болей за 50 ракет розых тыпаў.
