Прыйдуць начныя замаразкі. Надвор’е ў Беларусі на вялікія выходныя
Надвор’е ў Беларусі на вялікія выходныя / pexels.com
Сіноптыкі папярэджваюць: на вялікія выходныя ў Беларусі чакаюцца начныя замаразкі.
"У ноч з 7 па 9 лістапада (пятніца — нядзеля) месцамі паветра астыне ад -2 да -4°С, а дзённыя максімумы будуць вагацца ад +4 да +13°С", — распавялі ў Белгідрамеце.
У суботу, 8 лістапада, ападкаў не прагназуецца. Туман і слабая галалёдзіца магчымыя ноччу і раніцай. Днём стане цяплей — да +13°С.
У нядзелю, 9 лістапада, кароткачасовыя ападкі чакаюцца толькі па поўдні краіны.
Ноччу і раніцай у асобных раёнах магчымыя туман і слабая галалёдзіца. Слупок тэрмометра апусціцца да -3°С. Днём ва ўсёй краіне чакаецца да +12°С.
