Прышчэпкі ад грыпу могуць выратаваць "сардэчнікам" жыццё

За апошнія некалькі дзясяткаў гадоў колькасць людзей з сэрцавай недастатковасцю па ўсім свеце прыкметна вырасла. Гэтыя людзі, як і пацыенты з іншымі захворваннямі крывяноснай сістэмы, уваходзяць у групу рызыкі пры грыпе.

Як сцвярджаюць у Мінздароўя Беларусі, прышчэпку ад грыпу сёлета ўжо зрабілі каля 30% беларусаў. Каб сфармаваць папуляцыйны імунітэт на новы эпідсезон, патрэбна давесці гэты паказчык да 40%.

Беларусаў сёлета вакцынуюць расійскай “Грыпол Плюс” (бясплатная для бюджэтнікаў і некаторых катэгорый), а таксама французскай “Ваксігрып Тэтра” — толькі платна. 

Дарэчы, вакцынацыя ад грыпу ніяк не адмяняе неабходнасць рабіць (рэ)вакцынацыю ад COVID-19, асабліва людзям са слабым імунітэтам і хранічнымі захворваннямі.