Праваабаронца і палітвязень Алесь Бяляцкі ўганараваны "Залатымі лаўрамі"
Алена Лапцёнак з "Залатымі лаўрамі" для Алеся Бяляцкага / racyja.com
Праваабаронца, палітвязень, нобелеўскі лаўрэат Алесь Бяляцкі ўганараваны "Залатымі лаўрамі". Ён стаў "Асобай года" паводле журы польскай прэміі за выдатную грамадскую дзейнасць.
Узнагароду для палітзняволенага атрымала праваабаронца Алена Лапцёнак, а на ўручэнні выступіў старшыня Народнага антыкрызіснага ўпраўлення Павел Латушка, паведамляе racyja.com.
Кіраўнік праваабарончага цэнтра "Вясна" Алесь Бяляцкі за кратамі ў Беларусі з лета 2021-га. Сёлета вясной ён быў асуджаны на 10 гадоў калоніі за дапамогу рэпрэсаваным беларусам.
racyja.com
