Працавітая і спартыўная гараджанка: партрэт беларускі ад Белстата
Мінскі паўмарафон 2020 года / Еўрарадыё
Гараджанка, якая займаецца спортам, працуе ў сферы паслуг з вышэйшай альбо сярэдне спецыяльнай адукацыяй, ёй 42 гады, стасуецца ў сацсетках — партрэт сярэднестатыстычнай беларускі ад Белстата да 8 сакавіка.
Згодна з камітэтам, напачатку 2024 года ў Беларусі пражывала 4,93 мільёна жанчын — гэта 53,8% насельніцтва краіны. З іх 84,8% працуюць. Большасць занятая ў сферах аховы здароўя, сацыяльных паслуг, адукацыі, фінансавай і страхавой дзейнасці. Менш за ўсё жанчын можна сустрэць у будаўніцтве і горназдабыўной прамысловасці.
8 сакавіка Белстат палічыў важным паведаміць, што ў 2024 годзе выйшлі замуж 46 тысяч беларусак, з іх 28 тысяч — упершыню. Пры чым кожная чацвёртая беларуска прыйшла ў ЗАГС ва ўзросце 20-24 гадоў.
