Польскі візавы цэнтр дадаў новую катэгорыю нацыянальных віз
Віза, ілюстрацыйнае фота / immigranthouse.com
Візавы цэнтр Польшчы дадаў новую катэгорыю "Нацыянальная віза D — прадпрыемства". Пра гэтае новаўвядзенне паведамляе аператар VFS Global.
Такія візы могуць атрымаць людзі, якія падаюць дакументы па запрашэнні кампаній са спецыяльнага рэестра прадпрымальнікаў. У яго ўключаюць фірмы і прадпрыемствы, праца якіх мае важнае значэнне для эканомікі Польшчы. Складае яго Міністэрства эканомікі.
У Польшчы з 1 чэрвеня 2025 года пачаў дзейнічаць закон аб правілах даручэння працы замежнікам. Згодна з ім, піша MOST, быў прызначаны прыярытэтны парадак разгляду заяў на візу і на выдачу дазволаў на працу замежнікам, якія будуць працаваць на кампаніях з адмысловага спісу.
Паводле звестак на 3 лістапада 2025 года, у гэтым спісе налічваецца больш за 2,4 тысячы суб'ектаў гаспадарання.
