Плюс 54 рублі. У Беларусі павялічылі дапамогу на пахаванне
Могілкі ў Беларусі / blizko.by
У Беларусі павялічылася сума дапамогі на пахаванне — грошы, якія сацыяльныя службы выплачваюць родным нябожчыкаў. Новаўвядзенне пачне дзейнічаць ад першага верасня.
Згодна з законам, сума дапамогі на пахаванне роўная 100% ад паказчыка сярэдняй намінальнай налічанай зарплаты за пазамінулы месяц адносна даты смерці.
Такім чынам пры налічэнні дапамогі ў верасні ў разлік будзе брацца ліпеньскі заробак. У параўнанні з чэрвенем у ліпені ён вырас на 54,6 рубля — атрымліваецца, што дапамога на пахаванне з першага верасня складзе 2772,4 рубля.
Ад пачатку года гэта ўжо шостае па ліку павышэнне.
