Пазняк: “Я папрасіў — палітвязняў пачалі вызваляць”
Зянон Пазняк, беларускі палітык
"Я папрасіў — палітвязняў пачалі вызваляць". Такую заяву ў інтэрв'ю праекту "Пара!" зрабіў беларускі апазіцыйны палітык Зянон Пазняк.
Палітык нагадаў, што ў пазамінулым навагоднім звароце ён заклікаў Лукашэнку пачаць вызваленне палітычных вязняў. І ў 2024-м некалькімі невялікімі групамі па памілаванні пачалі выходзіць першыя вязні.
Пазняк кажа, што Лукашэнка гэта робіць не праз заклік, а па ўласных прычынах, але звяртае ўвагу на паслядоўнасць падзей. І дадае, што ён мае "гістарычнае і маральнае права" звяртацца да Лукашэнкі з такімі просьбамі.
“З пункту гледжання палітыкі Лукашэнка дзейнічае абсалютна правільна, Захад дзейнічае няправільна”, — сказаў Зянон Пазняк у інтэрв’ю.
