Памёр бацька палітзняволенай Валерыі Касцюговай
Памёр бацька палітолага, палітзняволенай Валерыі Касцюговай. Пры гэтым сітуацыя ў сям'і жахлівая, піша ў сацсетках яе дачка Анастасія:
"Сёння памёр мой дзядуля, і ў яго фактычна няма сваякоў, якія могуць яго пахаваць. Маці ў турме, я ў эміграцыі, бабуля памерла, яго сын, мой дзядзька, таксама памёр даўно. Мой бацька памірае ад раку, і ў мяне пачынаюць заканчвацца сваякі, з якімі я магу пагаварыць".
Валерыю Касцюгову затрымалі 30 чэрвеня 2021 года. Яе вінавацяць у закліках да захопу ўлады і змове. Палітолагу пагражае да 12 гадоў зняволення. Жанчыну трымаюць у СІЗА №1 на вуліцы Валадарскага ў Мінску.
сегодня умер мой дедушка, и у него фактически нет родственников, которые могут его похоронить. мать в тюрьме, я в эмиграции, бабушка умерла, его сын, мой дядя, тоже умер давно. мой отец умирает от рака, и у меня начинают заканчиваться родственники, с которыми я могу поговорить.
— Костюгова (@lessprit) December 8, 2021
