Палітзняволеную Насту Лойка перавялі на паўгода ў памяшканне камернага тыпу
Наста Лойка
Палітзняволенай праваабаронцы Насце Лойка азрабілі больш жорсткімі ўмовы ўтрымання. Яе адправілі ў памяшканне камернага тыпу (ПКТ) на паўгода, даведалася "Наша Ніва".
Насту Лойка затрымалі 28 кастрычніка 2022-га. Яе асудзілі да сямі гадоў зняволення паводле артыкула 130 КК ("распальванне варажнечы").
Увосень 2024 года яе адвезлі з калоніі ў Мінск для ўдзелу ў судзе ў якасці сведкі. Палітзняволеных часам вывозяць даваць паказанні супраць новых палітвязняў. Адмовіцца прысутнічаць на судзе нельга, але паказанні залежаць ад самога чалавека.
Калі Насту пасля гэтага суда вярнулі ў калонію, то яе перавялі ў іншы атрад і зарэгістравалі шэраг "парушэнняў", праз што яна і трапіла ў ПКТ.
Зняволенага ў ПКТ ізалююць ад астатніх людзей. На свежае паветра з ПКТ выводзяць толькі на прагулку. Умовы там лепшыя, чым у ШІЗА: у зняволенага хаця б ёсць падушка і коўдра.
