Пад Мінскам грузавік сутыкнуўся з аўтобусам, ёсць пацярпелы
Пад Мінскам грузавік сутыкнуўся з аўтобусам. Як паведамляе БЕЛТА, здарэнне адбылося 28 лютага каля вёскі Азярцо. 46-гадовы мужчына на грузавым аўтамабілі "Мерседэс-Бенц", які рухаўся ў бок МКАД, з нейкай прычыны заехаў на тэрыторыю прыпынку грамадскага транспарту, дзе і адбылося сутыкненне з аўтобусам, які там стаяў.
Як паведаміла старшы інспектар па агітацыі і прапагандзе аддзела ДАІ Мінскага райвыканкама Кацярына Сільчанка, у выніку ДТЗ пацярпеў 60-гадовы пасажыр аўтобуса, які атрымаў цялесныя пашкоджанні. Мужчыну шпіталізавалі.
