Найміты з Беларусі на баку Расіі: што паказала праверка “Кіберпартызанаў”

“Кіберпартызаны” праверылі выбарачна спіс з 742 наймітаў з пашпартамі Беларусі, якія ўдзельнічаюць у вайне на баку Расіі. Гэты спіс нядаўна апублікаваў украінскі праект "Хачу жыць".

Праверка некалькіх дзясяткаў прозвішчаў паказала:

• далёка не ўсе асобы са спісу мелі пашпарты Рэспублікі Беларусь станам на 2021 год. Магчыма, яны атрымалі іх пазней;

• большасць асоб са спісу сапраўды з'яўляюцца грамадзянамі Беларусі. Сярод іх шмат асоб з крымінальным мінулым, былых супрацоўнікаў МУС і КДБ;

• многія маюць набытае беларускае грамадзянства, першапачаткова былі грамадзянамі Расіі або Украіны;

• частка асоб са спісу даўно не знаходзяцца на тэрыторыі Беларусі, у тым ліку працавалі або адбывалі пакаранне ў Расіі;

• далёка не ўсе смерці са спісу зафіксаваныя ў дзяржаўных базах Беларусі. Але калі фіксаваліся, то даты смерці супадаюць са спісам. Пры гэтым пазначаны розныя прычыны смерці.

Такім чынам, сапраўднасць спісу прынамсі часткова пацвярджаецца дадзенымі з дзяржаўных баз Беларусі.

На дадзены момант нельга пацвердзіць факт цэнтралізаванай вярбоўкі гэтых наймітаў на тэрыторыі Беларусі, робяць выснову “Кіберпартызаны”.