Нацбанк Беларусі заявіў, што не плануе выпускаць сваю крыптавалюту
Нацыянальны банк РБ
Нацбанк Беларусі заявіў, што "не планаваў і не плануе выпускаць сваю крыптавалюту". Там незадаволеныя першакрасавіцкім жартам, які запусціў адзін з дзяржаўных парталаў — пра тое, што з'явіцца нацыянальная крыптавалюта "зубр".
"Жарт, вядома "атрымаўся", — піша прэс-служба Нацбанка. — У Нацыянальны банк нават сталі паступаць званкі грамадзян, якія жадаюць купіць "зубра". Вось толькі да рэальнасці гэтая "навіна" не мае ні найменшага дачынення... Калі б такія планы былі, мы б абавязкова паведамілі пра іх на афіцыйным сайце Нацыянальнага банка".
