На мяжы з Польшчай адкрылі два памежныя пераходы — Брузгі і Бераставіцу
Адкрыліся два пераходы на мяжы з Польшчай / Памежны камітэт Беларусі
Польшча адкрыла два памежныя пераходы на мяжы з Беларуссю. 17 лістапада ў 00:00 аднавілі працу "Кузніца — Брузгі" і "Баброўнікі — Бераставіца". Яны былі зачыненыя апошнія некалькі гадоў.
Пункт "Кузніца — Брузгі" ”адкрыты для пасажырскага транспарту (акрамя аўтобусаў), "Баброўнікі — Бераставіца" — для аўтобусаў, а таксама грузавікоў, зарэгістраваных у ЕС.
Як адзначае Памежны камітэт Беларусі, праз Бераставіцу за суткі могуць прайсці 900 легкавых і 500 грузавых аўто ў адным кірунку, праз Брузгі — 1600 легкавікоў і 580 фур.
Паводле звестак беларускіх памежнікаў, на 8-ю гадзіну раніцы ў Бераставіцы на выезд у Польшчу ў чарзе былі 10 легкавых аўтамабіляў і адзін аўтобус. Чаргі грузавікоў не было.
У Брузгах у той жа час на выезд быў толькі адзін легкавы аўтамабіль.
