На борце самалёта, які разбіўся ў ЗША, былі фігурысты

На борце самалёта, які разбіўся каля Вашынгтона, ляцелі фігурысты. Гэта пацвердзіла Федэрацыя фігурнага катання ЗША.

Камерцыйны самалёт сутыкнуўся з вайсковым верталётам каля аэрапорта імя Рональда Рэйгана. На борце самалёта было 60 пасажыраў і чатыры чальцы экіпажа, у верталёце знаходзіліся тры чалавекі. Пасля сутыкнення самалёт ўпаў у раку Патамак. Пакуль што няма звестак пра выжылых у авіякатастрофе.

"Федэрацыя фігурнага катання ЗША можа пацвердзіць, што некалькі членаў нашага супольнасці фігурнага катання, на жаль, былі на борце рэйса 5342 American Airlines", — цытуе Reuters заяву спартыўнай федэрацыі. Фігурысты вярталіся з чэмпіянату ЗША.

У СМІ з'яўляецца непацверджаная інфармацыя наконт канкрэтных фігурыстаў, якія маглі быць на борце. Так, паведамляецца, што там ляцелі чэмпіёны свету па фігурным катанні 1994 года, а цяпер трэнеры Яўгенія Шышкова і Вадзім Навумаў. З імі, нібыта, быў іх 23-гадовы сын Максім, які выступае за фігурную зборную ЗША.

Акрамя таго, на самалёце ляцелі як мінімум яшчэ 14 фігурыстаў, не лічачы трэнераў.