Мужчына трымаў грошы ў закатаных слоіках у гаражы. Слоікі скралі
61-гадовы жыхар Баранавічаў цягам доўгіх гадоў разам з сынамі збіраў грошы, захоўваючы іх у закатаных трохлітровых слоіках у гаражы. А паколькі сыны жывуць у Мінску, сам мужчына гараж наведваў не часта. Раніцай 27 лютага ён выявіў адсутнасць слоікаў з грашыма і звярнуўся ў міліцыю.
Падчас раследвання выявілася, што разам са слоікамі злодзеі знеслі суму ў 197 тысяч беларускіх рублёў.
Следчы камітэт раследуе справу аб крадзяжы маёмасці ў асабліва буйным памеры.
