МУС Беларусі хоча, каб таленавітыя праграмісты дапамагалі раскрываць злачынствы

МУС Беларусі хоча, каб таленавітыя праграмісты дапамагалі раскрываць злачынствы. Па словах міністра ўнутраных спраў Ігара Шуневіча, на сённяшні дзень у міліцыі не хапае спецыялістаў ІТ-тэхналогій.

"Існуюць пэўныя сектары, замяшчэнне пасад у якіх можа быць толькі спецыялістамі — тая ж сфера IT-тэхналогій, — цытуе словы Шуневіча БЕЛТА. — Мы, вядома, хацелі б, каб у сістэме Міністэрства ўнутраных спраў працавалі таленавітыя праграмісты і дапамагалі нам раскрываць злачынствы. На жаль, мы не можам пахваліцца тым, што гэтая праблема вырашана на ўсе 100%, і пэўны дэфіцыт у гэтых спецыялістах ёсць".

Аднак увогуле МУС не адчувае недахопу кадраў, кажа Ігар Шуневіч. Паводле яго слоў, "некамплект... не ўплывае на якасць... працы". Тым больш , што існуе "узаемазаменнасць: сёння любы афіцэр можа выканаць працу і опера, і ўчастковага, калі будзе неабходна".