Мокры снег прагназуюць у Беларусі ў чацвер

У чацвер, 6 лютага, у Беларусі чакаецца воблачнае з праясненнямі надвор'е паведамляе Белгідрамет.

Месцамі, пераважна па захадзе краіны, пройдзе невялікі снег, мокры снег. Удзень па крайнім захадзе Беларусі прагназуецца снег з дажджом. У асобных раёнах чакаюцца слабыя туман і галалёд, на дарогах — галалёдзіца. Вецер будзе няўстойлівы — ад слабога да ўмеранага.

Уначы тэрмометры пакажуць 3-8 градусаў марозу, пры праясненнях паветра будзе астуджацца да -10, па захадзе краіны чакаецца 0...-2. Удзень будзе ад 3 градусаў марозу да 2 цяпла.