Моцны вецер чакаецца ў Беларусі ў чацвер — абвясцілі аранжавы ўзровень
Вецер, ілюстрацыйнае фота / pixabay.com
У чацвер, 6 сакавіка, у Беларусі ўначы будзе воблачна з праясненнямі, удзень прагназуецца пераменная воблачнасць, паведамляе Белгідрамет.
Будзе пераважна без ападкаў, толькі ўначы месцамі па поўначы краіны пройдуць невялікія дажджы. Вецер чакаецца заходні парывісты, у многіх раёнах краіны моцны парывісты — да 15-18 метраў за секунду. У сувязі з гэтым сіноптыкі абвясцілі аранжавы ўзровень небяспекі.
Тэрмометры ўначы пакажуць 1-7 градусаў цяпла. Удзень прагназуецца ад +10 па паўночным усходзе да +18 па поўдні Беларусі.
Прагноз надвор'я на 6 сакавіка / Белгідрамет
Прагноз надвор'я на 6 сакавіка / Белгідрамет
